ཚ་བ་མདའ་སྨྱུག་གི་ལོ་རྒྱུས་མདོར་བསྡུས།

ཚ་བ་མདའ་སྨྱུག་གམ་ཚ་སྒང་བློ་གྲོས་དཔལ་ལྡན་གྱི་ངོ་སྤྲོད་མདོར་བསྡུས།

ཕྲན་ནི་རྩོམ་པ་པོ་ཞིག་མིན་ཀྱང་མི་སྣ་འདི་དང་ཐོག་མཐའ་གཉིས་ཀར་འབྲེལ་འདྲིས་ཆེ་ཤོས་ཤིག་ཏུ་ཡིན་བཟོ་འདུག་ལ་ཉེ་ཆར་ཕྱོགས་མཐའ་ཀུན་ནས་ཁོ་ལ་བཟང་ངན་ཅི་རིགས་སུ་གཟིགས་བཞིན་པའི་ཤེས་ལྡན་གྱི་མི་སྣ་མང་པོས་ཁོའི་ལོ་རྒྱུས་ཤེས་འདོད་ཡོད་པ་གོ་ཐོས་བྱུང་ལ་བློ་དཀར་འགས་ངོ་སྤྲོད་ཅིག་འགོད་ན་དགེ་མཚན་ཆེ་ཚུལ་བརྗོད་བྱུང་བས་བརྗོད་བྱ་དང་རྗོད་བྱེད་གང་གི་ཆ་ནས་སྙན་ཞིང་ཡིད་དུ་འཐད་པ་ཞིག་འབྲི་མི་ཤེས་ཀྱང་མཐོང་ཐོས་དངོས་བྱུང་གང་ཤེས་མདོར་བསྡུས་ཤིག་ཡིག་ཐོག་ཏུ་འགོད་རྒྱུ་ལས་བཟང་ངན་གྱི་དབྱེ་ཞིབ་གང་ཡང་བྱ་རྒྱུ་མིན། དེ་ཡང་ཁོང་ནི་བོད་ཆོལ་ཁ་གསུམ་གྱི་ཡ་གྱལ་མདོ་སྟོད་བར་ཁམས་ཚ་བ་དཔའ་ཤོད་དམ་སྒང་དྲུག་གི་ཡ་གྱལ་ཚ་བ་སྒང། དེར་འབྲོག་སྡེ་སྟོད་སྨད་གཉིས་ལས་སྒང་སྟོད་སྐུ་ལྷ་ངང་ཡག་ཅེས་པའི་གནས་རི་དང་ཉེ་བའི་གྲོང་སྡེ་དབེན་མདའ་ཞེས་པར་ཕ་ཟ་སུ་དགེ་ལེགས་དང་མ་དཔེ་རུ་མ་ཡེ་ཤེས་དབང་མོ་གཉིས་ཀྱི་རིགས་སུ་རབ་བྱུང་བཅུ་དྲུག་ཤིང་ཕོ་སྟག་གི་ལོར་སྐྱེས།

གློག་ཀླད་སྐོར་གྱི་དཔེ་དེབ་གསར་ཐོན།

གློག་ཀླད་ལ་འཇུག་པའི་རྨང་གཞིའི་

ཤེས་བྱ།

The Basics Of Computer Learning

ཚ་བ་ཡེ་ཤེས་བསམ་གཏན་གྱིས་སྒྲིག་རྩོམ་བྱས།

        
  དེང་གི་དུས་སུ་འཛམ་གླིང་ཕྱོགས་གང་སར་བརྡ་འཕྲིན་གསར་པའི་དུས་རབས་ཤིག་ལ་འཇུག་བཞིན་པ་ཡིན་སྟབས། རང་རེ་བོད་མི་རྣམས་ཀྱང་རང་ཉིད་ཀྱི་སྐད་ཡིག་ལ་བརྟེན་ནས་དུས་རབས་དང་རྗེས་མཐུན་པ་ཞིག་བསྐྱོད་དགོས་པ་ནི་གཡོལ་དུ་མེད་པའི་འགན་འཁྲི་ཞིག་ཡིན་པ་བརྗོད་ག་ལ་དགོས། དེར་བརྟེན་གུས་པས་ལོ་ངོ་ཕྱེད་ལྷག་དུས་ཚོད་བཏང་ནས་ཕ་སྐད་གཙང་མའི་ལམ་ནས་སྒྲིག་སྦྱོར་བྱས་པའི་གློག་ཀླད་སྦྱོང་དེབ་(གློག་ཀླད་ལ་འཇུག་པའི་རྨང་གཞིའི་ཤེས་བྱ་)ཞེས་པའི་དཔེ་དེབ་འདི་༸རྒྱལ་བའི་འཁྲུངས་སྐར་ཉིན་དངོས་སུ་འགྲེམས་སྤེལ་ཞུས་ཡོད།

          དཔེ་དེབ་འདིའི་བརྗོད་དོན་སྙིང་པོ་ནི། དྲ་རྒྱའི་བརྒྱུད་ལམ་ཁག་བཀོལ་སྤྱོད་བྱེད་སྟངས་གཙོ་བོར་གྱུར་པའི་གློག་འཕྲིན་ཁ་བྱང་རིགས་བཟོ་སྟངས་དང་། རིན་མེད་དྲ་ཚིགས་བཟོ་སྟངས། དཔེ་དེབ་སྒྲིག་སྦྱོར་བྱེད་སྟངས། འཕྲུལ་དེབ་བཟོ་སྟངས་སོགས་བརྗོད་གཞི་ཁག་དམིགས་སུ་བཟུང་ནས་རྩ་བའི་ས་བཅད་ཆེན་པོ་བཅུས་གྲུབ་ཡོད། འདི་ནི་ཐོག་མར་གློག་ཀླད་ཀྱི་རྨང་གཞིའི་ཤེས་བྱ་ལ་འཇུག་པར་སྤྲོ་བའི་ལས་དང་པོ་བ་རྣམས་ལ་ཆེད་དུ་དམིགས་ཡོད་ལ། ལྷག་པར་དུ་ཚོགས་སྡེ་དང་སློབ་གྲྭ་ཁག་སོ་སོའི་གློག་ཀླད་སྡེ་ཚན་གྱི་ཁོངས་སུ་གློག་ཀླད་སློབ་ཁྲིད་ཀྱི་གཞོགས་འདེགས་ཡོང་སླད་སློབ་མ་རྣམས་ལ་ཟུར་ལྟའི་སློབ་དེབ་ཡོང་བའི་རེ་བ་ཞུ་བཞིན་ཡོད། དེར་བརྟེན་སྐུ་ཉིད་མཆོག་གིས་གཤམ་གསལ་ཁ་བྱང་ཐོག་གཟིགས་གནང་ཡོད་པར་ཞུ།

 

གུས་པའི་འབྲེལ་གཏུག་ཁ་བྱང་།

ཁ་པར་ཨང་། +91 8894431157 / +91 9882194303

སྐད་འཕྲིན་ཁ་བྱང་། yeshi8899

གློག་འཕྲིན་ཁ་བྱང་། yesam2011@gmail.com

རང་ཉིད་ཀྱིས་རྒྱབ་ཤ་ཇུས་འགོད་བྱས་པའི་དཔེ་དེབ་འགའ།

གསར་གཏོད་ཀྱི་སྙིང་སྟོབས་གླེང་བ།

མཐོ་སྒང་བོད་པ་ཚང་གི་འདས་ཟིན་པའི་ལོ་ཟླའི་འགྱུར་སྟབས་ལ་སྒམ་བརླིང་གིས་ཕྱིར་རྟོག་ཅིག་བྱས་ན་ཡིད་ཀྱི་མཚོ་མོའི་གཏིང་ལས་ནམ་ཡང་ཞི་ཐབས་མེད་པའི་འགྱོད་གདུང་གི་རྦ་རླབས་དྲག་པོ་ཤིག་འཕྱུར་བཞིན་པར་མ་ཟད་ཕམ་ཁའི་རྡོག་མཁྲེས་ལྟ་བུ་རྒྱབ་ཏུ་ཁུར་བའི་ཚོར་སྣང་སྐྱེན་པོ་ཞིག་སེམས་ཀྱི་གཏིང་རིམ་ན་ཟུག་ཅིང་ཀླད་པའི་སྦུབས་སུ་ཞུགས་ནས་དུས་ནམ་ཡང་བཅོས་ཐབས་མེད་པའི་ནད་རྙིང་ལྟ་བུ་ཞིག་རེད་ཨང་།  བདག་གི་འགྱོད་གདུང་གི་སྡུག་བསྔལ་འདི་ལྟ་བུ་ནི་ཁྲག་རྒྱུན་གཅིག་པའི་སྤོ་སྤོ་དང་རྨོ་རྨོ་གྲོངས་པའི་སྡུག་བསྔལ་ཞིག་མ་ཡིན་ལ་རང་བྱུང་འབྱུང་བས་བཟོས་པ་ཞིག་དེ་བས་ཀྱང་མིན།   དེ་ནི་བོད་མི་རིགས་ལ་གསར་གཏོད་ཀྱི་སྙིང་སྟོབས་ལྡན་པའི་མཁས་པའི་དབང་པོ་སྟེ།  རྣམ་དཔྱོད་ཀྱི་གཟི་འོད་ཕྱོགས་བཞིར་འབར་བཞིན་མི་རིགས་ཤིག་གི་རྒྱང་རིང་གི་གནས་ལུགས་རྟོགས་པའི་མཚན་ཉིད་སྨྲ་བ་སྙན་ངག་པ་ཆེན་པོ་མཁས་དབང་དགེ་འདུན་ཆོས་འཕེལ་མཆོག་ནི་གསར་གཏོད་ཀྱི་རྨི་ལམ་ཐེངས་གཅིག་བཏང་ནས་འཇིག་རྟེན་ཕ་རོལ་དུ་བཞུད་སོང་བ་རེད།  འདི་ནི་བོད་མི་རིགས་ཀྱིས་བཻཊཱུརྱའི་བུམ་པ་ས་ལ་བརྡབ་པའི་མུན་པའི་དུས་རབས་ཤིག་ཡིན།  བོད་ཀྱི་སྙན་ངག་པ་འཇུ་སྐལ་བཟང་གིས་ ”ཁྱོད་ཀྱི་བང་སོ་དེ/ལོ་རྒྱུས་ཀྱི་དཀྱོགས་མཚམས་ཤིག་ནས་རྙེད་བྱུང་“ ཅེས་སྙན་ངག་པའི་སེམས་ཀྱི་གཏིང་རིམ་ནས་བརྡོལ་བའི་ངག་གི་དབྱངས་འདི་ནི་ཅི་འདྲའི་བདེན་ཁ་སྟེར་ཆོག་པ་ཞིག་རེད།  མཁས་དབང་ཁོང་གིས་རྒྱལ་ཁམས་རིག་པའི་བསྐོར་ནས་དཔྱོད་ཤེས་ཀྱི་བློ་མིག་ཁབ་ལེན་རྡོ་བས་ལེན་པ་བཞིན་གནས་ལུགས་དང་གནས་ལུགས་བསྡུར་ནས་གངས་ཅན་བོད་ཀྱི་རྒྱལ་ཁམས་ལ་ཆེས་རྗེས་སུ་ལུས་པའི་རིག་གནས་དང་རྒྱལ་ཁབ་འཛིན་སྐྱོང་ཐད་ལ་འཐུས་སྒོ་ཚང་བའི་སྔར་མེད་གསར་གཏོད་ཀྱི་དགོངས་པ་ཟབ་མོ་དེ་དཔྱོད་ཤེས་ཀྱི་བློ་མིག་ལྡོངས་པའི་སྐུ་དྲག་ཚོས་ཟུར་ཙམ་ཡང་མ་རྟོགས་པའི་ཁར་རང་གི་སྐུ་སྟེགས་དང་དབང་ཐང་ལ་ཞེན་དྲགས་པས་འཕྲལ་དུ་མཁས་མཆོག་ཁོང་གི་སྐེ་ལ་ལྕགས་ཐག་ཅིག་གཡོགས་ནས་འཇིག་རྟེན་ཕྱི་མའི་ཡུལ་ལ་བརྫངས་སོང་།