རང་ཉིད་ཀྱི་སྐོར།

གུས་པ་བོད་ཤར་ཕྱོགས་ཁམས་སྟོད་ཚ་བ་མཛོ་སྒང་གི་ཁོངས་སུ་གཏོགས་པའི་ཚ་བ་གཡག་སྟག་ཅེས་པའི་ཡུལ་ལུང་ཆུང་ཆུང་ཞིག་གི་ནང་ཕ་བསོད་ནམས་ཚེ་བརྟན་དང་མ་རྡོ་རྗེ་མཚོ་མོ་གཉིས་ཀྱི་ཤ་ཁྲག་ལས་མཆེད་ནས་ཡུན་རིང་མ་སོན་པར་རབ་བྱུང་གི་ཚུལ་ལེན། ལོ་བརྒྱད་ཙམ་ནས་ཡུལ་དགོན་བཀྲ་ཤིས་ཆོས་གླིང་དུ་ཞུགས་ནས་ཐོག་མར་ཀ་ཁ་ནས་འགོ་བརྩམས་ཏེ་དམ་ཆོས་སྦྱོར་ཀློག་བར་དུ་སློབ་སྦྱོང་བྱས་ནས་མཐར་ཕྱི་ལོ་ ༡༩༩༩ ལོར་ཆབ་སྲིད་ཀྱི་རྐྱེན་པས་མི་ཡུལ་བཙན་བྱོལ་དུ་སླེབས་ནས་༸གོང་ས་མཆོག་གི་གསེར་ཞལ་ཐོག་མར་མཇལ་རྒྱུ་བྱུང་། དེ་ནས་རྒྱ་གར་ལྷོ་ཕྱོགས་སེར་བྱེས་གྲྭ་ཚང་གི་ཡ་གྱལ་སེར་བྱེས་འབྲིང་རིམ་སློབ་གྲྭར་སློབ་སྒོར་ཞུགས་ཏེ་ཉིས་སྟོང་བདུན་ལོར་འཛིན་རིམ་བཅུ་པ་ཐོན། རང་ཉིད་ཀྱི་དམིགས་ཡུལ་དང་བོད་ཡིག་ལ་བཅངས་པའི་འདུ་ཤེས་མ་ཉམས་སྟབས་ཉིས་སྟོང་བཅུ་གཅིག་ལོར་ས་རཱ་བོད་ཀྱི་མཐོ་རིམ་སློབ་གཉེར་ཁང་དུ་ཡིག་རྒྱུགས་ཀྱི་ལམ་ནས་ཐད་ཀར་ཚུད་དེ་ཉིས་སྟོང་བཅུ་གསུམ་ལོར་སྐབས་བཅུ་གཉིས་པའི་རིག་གནས་རབ་འབྱམས་པ་སློབ་མཐར་ཕྱིན། ད་ལྟ་ཀྱག་ཀྱོག་ཆེ་བའི་སྤྱི་ཚོགས་ཀྱི་ལམ་བུར་ཞུགས་པ་བཅས་མདོར་བསྡུས་སུ་བྱས།

༢༠༡༣་༦་༣ ཉིན་བྲིས།